1 Թագաւորների սիրտը ջրի վտակների պէս է Տիրոջ ձեռքին, դէպի ուր որ էլ ուզենայ՝ կ’դարձնէ։
2 ա Մարդիս ամեն ճանապարհը ուղիղ է իր աչքի առաջին. բ բայց սիրտերը կշռողը Տէրն է։
3 գ Արդարութիւն եւ իրաւունք գործելը Տիրոջ հաճելի է քան թէ զոհը։
4 դ Աչքերի ամբարտաւանութիւնը եւ սրտի հպարտութիւնը, որ ամբարիշտների լոյսն է, մեղք է։
5 ե Աշխատասէրի մտածողութիւնները միայն դէպի առատութիւն են. Բայց ամեն աճապարող՝ միայն դէպի կարօտութիւն է դիմում։
6 զ Ստախօս լեզուով գանձեր շինելը մահը որոնողների փախստական ունայնութիւնն է։
7 Ամբարիշտների բռնութիւնը քարշ կ’տայ իրանց. Որովհետեւ չեն ուզում իրաւունք անել։
8 Ծռմռած է յանցաւոր մարդի ճանապարհը, բայց մաքուրի գործն ուղիղ է։
9 է Լաւ է կտուրի մի անկիւնումը բնակուել, քան թէ կռուասէր կնոջ հետ ընկերովի՝ տան մէջ։
10 ը Անզգամի հոգին չարութիւն է ցանկանում, նորա ընկերը նորա աչքի առաջին շնորհք չի գտնիլ։
11 թ Ծաղրողը տուժելիս միամիտը կ’իմաստնանայ, եւ իմաստունը կրթուելիս՝ գիտութիւն կ’ստանայ։
12 Արդար Աստուածը դիտում է ամբարշտի տան վերայ, նա գցում է ամբարիշտներին չարիքի մէջ՝՝։
13 ժ Ով որ խցկէ աղքատի աղաղակի դէմ իր ականջը, ինքն էլ կ’կանչէ, եւ պատասխան չի գտնիլ։
14 ի Գաղտնի ընծան բարկութիւնը կ’հանգցնէ, եւ ծոցի պարգեւը՝ սաստիկ ցասումը։
15 Ուրախութիւն է արդարի համար իրաւունք անելը, բայց լ սոսկում՝ չարագործների համար։
16 Մարդ որ մոլորվում է խոհեմութեան ճանապարհից, ուրուականների ժողովքի մէջ կ’իջնէ։
17 Կարօտութիւն կ’ունենայ այն մարդը որ ուրախութիւն է սիրում, գինի ու իւղ սիրողը չի հարստանալ։
18 խ Արդարի համար անզգամը փրկանք կ’դառնայ, եւ ուղիղների փոխարէն՝ անօրէնը։
19 ծ Լաւ է բնակուել ամայի երկրում, քան թէ կռուասէր եւ բարկացոտ կնոջ հետ։
20 կ Ցանկալի գանձ եւ իւղ կ’գտնուի իմաստունի բնակարանումը, բայց յիմարը կուլ կ’տայ նորան։
21 հ Արդարութեան եւ ողորմածութեան հետեւողը կ’գտնէ կեանք, արդարութիւն եւ պատիւ։
22 ձ Իմաստունը վեր կ’ելնէ զօրաւորների քաղաքը, եւ կ’կործանէ նորանց ապաւինած ամրութիւնը։
23 ղ Ով որ զսպէ իր բերանն ու լեզուն, իր հոգին նեղութիւններից կ’պահէ։
24 Ամբարտաւան լիրբի անունը Ծաղրող է, որ յանդգնութեամբ լրբութիւն է անում։
25 ճ Ծոյլի ցանկութիւնը սպանում է նորան. Որովհետեւ նորա ձեռքերը չեն ուզում գործել։
26 Նա ամեն օր սաստիկ ցանկանում է, բայց մ արդարը տալիս է եւ չէ խնայում։
27 յ Ամբարիշտների զոհը պիղծ է. Մանաւանդ երբոր չար խորհրդով մատուցանեն։
28 ն Ստախօս վկան պիտի կորչի, բայց նա, որ ինքը լսել է, միշտ կ’խօսէ։
29 Անզգամ մարդը պնդացնում է իր երեսը, բայց նա՝ որ ուղիղ է, քննում է իր ճանապարհը։
30 շ Չ’կայ իմաստութիւն, չ’կայ հանճար, չ’կայ նաեւ մի խորհուրդ Տիրոջ դէմ։
31 ո Ձի է պատրաստվում պատերազմի օրուայ համար. Բայց չ փրկութիւնը Տէրիցն է։
Առակաց 21